Gall ein Tîm Cymorth Budd-dal Anabledd gynnig amrywiaeth o gyngor a chymorth arbenigol ynghylch y canlynol:
- Lwfans Byw i’r Anabl i Blant
- Lwfans Gweini
- Credyd Cynhwysol Gallu Cyfyngedig i Weithio
- Taliad Annibyniaeth Bersonol
- Lwfans Gofalwr
Rydym yn cynnig cyngor a chymorth arbenigol gyda llenwi ffurflenni cais, Ailystyriaethau Gorfodol ac apeliadau, a phan fo’n berthnasol yn cynrychioli unigolion mewn gwrandawiadau
Tribiwnlys.
Rydym yn cynnig apwyntiadau wyneb i wyneb, apwyntiadau ffôn ac ymweliadau â’r cartref.
Bydd tîm Cymorth Budd-daliadau Anabledd y Cyngor, sy’n rhan o Gyngor Ariannol, yn cynnal cyfres o sesiynau galw heibio mewn hybiau ledled y ddinas dros yr wythnosau nesaf i gefnogi trigolion gydag ymholiadau am fudd-daliadau anabledd.
Gall y tîm ddarparu cymorth gyda hawliadau, ailystyriaethau gorfodol ac apeliadau. Gallant hefyd helpu gyda rhai ymholiadau cyffredinol ynglŷn â chyngor ariannol a chyfeirio at gymorth pellach.
Os oes gennych unrhyw gwestiynau am fudd-daliadau anabledd ac angen rhywfaint o help, galwch heibio i weld y tîm yn:
Hyb Llaneirwg ar 28 Chwefror
Hyb Trelái a Chaerau ar 1 Mawrth
Hyb Llanisien ar 6 Mawrth
Hyb y Llyfrgell Ganolog ar 8 Mawrth
Hyb Grangetown ar 13 Mawrth
Hyb y Powerhouse ar 21 Mawrth
Bydd pob sesiwn yn cael ei chynnal rhwng 10am a 3pm.
Os ydych chi’n adnabod rhywun a fyddai’n elwa o siarad â’r tîm, rhannwch fanylion y sesiynau hyn.
I gael mwy o wybodaeth, e-bostiwch cymorthbudd-dalanabledd@caerdydd.gov.uk neu ffoniwch ein Llinell Gyngor 02920 871 071
