Bwyd

Os ydych yn cael trafferth i ddarparu bwyd i chi a’ch teulu, gallwn helpu.

Banc bwyd a pharseli bwyd

Os nad oes gennych fwyd o gwbl, os gwelwch yn dda cysylltwch â ni neu ewch draw i Hyb i gael  Taleb Banc Bwyd. Byddwn yn holi am eich amgylchiadau ac yn gwirio eich bod yn derbyn yr holl fudd-daliadau y mae hawl gennych iddynt, ac yn eich helpu gydag unrhyw ddyledion a threuliau.

Gallwch hefyd gael gafael ar Dalebau Banc Bwyd drwy sefydliadau eraill a chasglu drwy gyfrwng eu lleoliadau.

Sefydliadau a all helpu gyda bwyd cost isel neu am ddim

Pantrïoedd bwyd –

Yn cynnig mynediad at fwyd am danysgrifiad bach wythnosol (tua £5 fel arfer) sy’n gallu cynnwys ffrwythau a llysiau ffres a bwydydd ar gyfer y cwpwrdd bwyd. Dim ond trigolion o’u hardal mae rhai yn eu derbyn, ond mae rhai yn gwasanaethu Caerdydd gyfan. Am fanylion cynlluniau yn eich ardal chi, ewch i’r wefan: www.yourlocalpantry.co.uk

Oergelloedd Cymunedol

Mae’r oergell yn cynnig mynediad am ddim at fwyd i unrhyw un 7 diwrnod yr wythnos gan ddefnyddio system dalu fel y gallwch i helpu gyda chostau rhedeg. Drwy ddefnyddio bwyd sydd dros ben i’w ailddosbarthu i’r rhai sydd angen bwyd, gall unrhyw un a phawb ddefnyddio’r oergell. Ei nod yw mynd i’r afael ag ansicrwydd bwyd a gwastraff bwyd ar yr un pryd. Gall yr oergell gynnwys llysiau, brechdanau, bwydydd wedi eu coginio, cig a physgod wedi’u coginio gyda dyddiad defnyddio erbyn, cynnyrch llaeth, llaeth a diodydd eraill.

Oergell Gymunedol Caerdydd, Canolfan Gymunedol Cathays, 36-38 Teras Cathays

Oriau Agor: Dydd Llun i ddydd Gwener – 9:30am i 11pm Sadwrn i Sul: 10am i 6pm

Cydweithfeydd Bwyd

Grŵp Bwyd Cymunedol Splo-Down –

Grŵp o gymdogion o Sblot, Adamsdown a Thremorfa yw Grŵp Bwyd Cymunedol Splo-Down sydd wedi dod at ei gilydd i gwrdd â’u hanghenion bwyd eu hunain ar y cyd.

Stondin farchnad aelodau wythnosol wedi’i lleoli yn iard Canolfan Oasis – 69B Heol y Sblot Caerdydd CF24 2BW. Pob dydd Mercher 5pm – 7pm.

Am ragor o fanylion, ewch i https://splo-down.org/

Banc Bwyd Anifeiliaid Anwes

Yn darparu bwyd ac eitemau i anifeiliaid anwes ar gyfer: Mae cymorth ar gael drwy:

• Pobl yn profi digartrefedd
• Pobl agored i niwed
• Pobl 50 oed a throsodd
• Dioddefwyr camdriniaeth
• Pobl mewn argyfwng ariannol neu dlodi
• Dioddefwyr trychinebau naturiol
• Pobl yn aros am Gredyd Cynhwysol

Mae cymorth ar gael drwy:

Pet food bank service – Pet Foodbank, Pets, Animal Foodbank

Appiau

Olio

Rhannu bwyd gyda chymdogion a ffrindiau neu gael manylion am y bwyd sy’n cael ei roi am ddim gan siopau lleol.

Too Good to Go

Busnesau bwyd yn hysbysebu bagiau o fwyd sydd ar gael am bris isel. Bydd y cynnwys yn amrywio

Kitche

Traciwch fwyd wrth i chi ei brynu, i’ch helpu i reoli eich siopa a lleihau gwastraff bwyd. Hefyd awgrymiadau rysáit yn seiliedig ar yr hyn sydd gennych yn y cwpwrdd.

No waste

Rhestrau ar gyfer eich cypyrddau a’ch rhewgell i olrhain bwydydd a dyddiadau dod i ben, er mwyn osgoi gwastraff.

 

Prydau Ysgol Am Ddim

Os ydych ar incwm isel a bod eich plentyn mewn ysgol gynradd neu uwchradd, efallai y byddwch yn gymwys i gael prydau ysgol am ddim. Gwnewch eich cais drwy wefan y cyngor a byddwn yn cysylltu â chi gyda rhagor o fanylion.

Talebion Cychwyn Iach

Cynllun yw Cychwyn Iach i helpu mamau beichiog, rhieni newydd a’u plant i fwyta’n iach. Os ydych yn gymwys, gallwch gael fitaminau am ddim, a thaleb tuag at gostau llaeth, llysiau a ffrwythau. Gwneud cais am dalebau cychwyn iach.

Bwyd a Hwyl (SHEP)

Cynllun rhad ac am ddim yw hwn a gynhelir yn ystod gwyliau’r ysgol ac mae’n cynnwys gofal plant, gweithgareddau a phrydau bwyd i blant yn ystod y gwyliau yn eu hysgol eu hunain.  Cysylltwch â’ch ysgol i weld a yw’n cynnal y rhaglen.

Clybiau brecwast

Mae clybiau brecwast yn cynnig brecwast iach am ddim mewn rhai ysgolion.  Cysylltwch â’ch ysgol eich hun i weld a oes clwb brecwast am ddim ganddynt.